# BBN1 – Bandvefslosun með Bowen nálgun
BBN1 er fyrsta námskeiðið í Bandvefslosun með Bowen nálgun (BBN) og veitir þátttakendum hagnýta og markvissa nálgun við að vinna með bandvef, vöðva, hreyfingu og svörun líkamans.
Námskeiðið byggir á hugmyndum og kennsluaðferðum sem þróaðar hafa verið af Graham Pennington og Matt East og sameinar reynslu úr Bowen, bandvefsvinnu og klínískri líkamsmeðferð. Áherslan er á að kenna þátttakendum að greina hvað líkaminn þarf hverju sinni og velja einfaldar og áhrifaríkar leiðir til að styðja við breytingar.
## Hvað lærir þú á námskeiðinu?
Á námskeiðinu er farið í grunnatriði BBN nálgunarinnar og hvernig hægt er að nota hana í daglegri vinnu með skjólstæðingum.
Þátttakendur læra meðal annars:
• Grunnatriði Bandvefslosunar með Bowen nálgun
• Hvernig greina má spennu, ósamhverfu og hreyfiskerðingu í líkamanum
• Mat á líkamsstöðu og hreyfimynstrum
• Einfaldar og áhrifaríkar BBN hreyfingar
• Hvernig velja má rétta nálgun út frá því sem líkaminn sýnir
• Að fylgjast með og lesa svörun líkamans meðan unnið er
• Hvernig hægt er að vinna með allan líkamann án þess að nota stór og flókin meðferðarprógrömm
## Greining sem leiðir meðferðina
Eitt af því sem gerir BBN nálgunina sérstaka er áherslan á greiningu og mat áður en meðferð hefst.
Á námskeiðinu eru kenndar greiningaraðferðir sem þróaðar hafa verið af Graham Pennington og hafa hjálpað fjölda meðferðaraðila að vinna markvissar og með meira öryggi. Þátttakendur læra að meta samhverfu, hreyfingu og svörun líkamans og nota þær upplýsingar til að velja viðeigandi meðferð.
Þessi nálgun gerir meðferðina markvissari og hjálpar meðferðaraðilanum að vinna með líkamann í stað þess að fylgja fyrirfram ákveðnu kerfi.
## Á námskeiðinu er meðal annars unnið með
• Mat á samhverfu og líkamsstöðu
• Hreyfigreiningu og hreyfimynstur líkamans
• Axlir og háls
• Bak og hrygg
• Mjaðmir og mjaðmagrind
• Hné og neðri útlimi
• Brjóstkassa og öndun
• Bandvef og hreyfikeðjur líkamans
• Klíníska notkun BBN hreyfinga
• Hvernig velja má réttar hreyfingar út frá niðurstöðum mats
## Minna er meira
Eitt af grunnstefjum BBN er að oft þarf ekki mikið til að kalla fram breytingu.
Frekar en að framkvæma langar meðferðarrútínur læra þátttakendur að nota fáar vel valdar hreyfingar sem byggja á mati, skynjun og svörun líkamans. Þannig verður vinnan einfaldari, skýrari og oft árangursríkari.
## Fyrir hverja er námskeiðið?
BBN1 hentar jafnt þeim sem hafa mikla reynslu af líkamsvinnu sem og þeim sem eru að stíga sín fyrstu skref í meðferðarnámi.
Námskeiðið hentar meðal annars:
• Nuddurum
• Sjúkraþjálfurum
• Craniosacral meðferðaraðilum
• Bowen meðferðaraðilum
• Heilunaraðilum og orkumeðferðaraðilum
• Íþróttameðferðaraðilum
• Öðrum sem vinna með líkama og hreyfingu
## Verkleg kennsla frá fyrsta degi
Kennslan er að mestu verkleg og þátttakendur vinna mikið saman í pörum undir leiðsögn kennara.
Lögð er áhersla á að þátttakendur fari heim með verkfæri sem hægt er að nota strax í eigin starfi eða til að styðja við áframhaldandi nám og þróun.
## Markmið námskeiðsins
Að loknu námskeiði eiga þátttakendur að hafa öðlast:
• Skilning á grunnatriðum BBN nálgunarinnar
• Verkfæri til að meta og greina líkamsstöðu og hreyfingu
• Færni til að framkvæma helstu BBN hreyfingar
• Aukið öryggi í vinnu með bandvef og svörun líkamans
• Dýpri skilning á því hvernig einfaldar breytingar geta haft víðtæk áhrif á starfsemi líkamans
BBN1 er fyrsta skrefið inn í Bandvefslosun með Bowen nálgun og leggur grunn að frekara námi og þróun fyrir þá sem vilja dýpka þekkingu sína á líkamsvinnu og meðferð.
