Höfuðbeina- og spjaldhryggjarmeðferð

Á þessu tveggja daga kynningarnámskeiði kynnumst við grunnhugsun höfuðbeina- og spjaldhryggjarmeðferðar með áherslu á skynjun, snertingu og hæfni til að hlusta á það sem gerist í líkamanum.

Við byrjum á því að þjálfa létta snertingu og læra að finna taktinn á eigin hátt. Þaðan vinnum við áfram með hlustastöðvar á mismunandi stöðum líkamans og skoðum hvernig takturinn getur breyst frá einum stað til annars.

Á námskeiðinu kynnumst við einnig stöðvun taktsins, þverhimnulosun, vinnu með mænuslíður, orkubeitingartækni og því hvernig skyndilegar breytingar eða stopp geta komið fram meðan á vinnunni stendur.

Við skynjum og finnum sama fyrirbærið á mismunandi hátt. Á námskeiðinu fær hver þátttakandi svigrúm til að þróa sína eigin skynjun, læra að þekkja það sem hann finnur og treysta því.

Líkaminn leiðir. Hendurnar fylgja.

Sama fyrirbærið getur birst okkur á ólíkan hátt. Lærðu að þekkja og treysta því sem þú finnur.